Կորոնավիրուսի տարածման կանխարգելմանն ուղղված նվիրատվություն հիվանդանոցներին և ծերատներին

«Ցե-Կվադրատ Ամպեգա Ասեթ Մենեջմենթ Արմենիա» ՍՊ ընկերությունը, բարձր գնահատելով բժիշկների և բուժ անձնակազմի կողմից այս օրերին իրականացվող կարևորագույն գործը, իր կորպորատիվ սոցիալական պատասխանատվության շրջանակներում 15,000,000 ՀՀ դրամի աջակցություն է ցուցաբերում բուժ հաստատություններին և ծերանոցներին ։

Նախաձեռնության առաջին փուլով «Ցե-Կվադրատ Ամպեգա»-ն Հայաստանի Հանրապետության 5 հիվանդանոցների նվիրաբերում է պաշտպանիչ արտահագուստ, վահաններ և ռեսպիրատոր-դիմակներ։ Ընկերությունը արդեն աջակցել է «ՆՈՐՔ» Ինֆեկցիոն հիվանդանոցին և «Վնասվածքաբանության և Օրթոպեդիայի» Գիտական Կենտրոնին։ Հաջորդիվ Վիեննայից ժամանած միջոցները ուղղվեցին «Սուրբ Գրիգոր Լուսավորիչ», «Սուրբ Աստվածամայր» և«Վանաձորի» բժշկական կենտրոններին։

Նախաձեռնության երկրորդ փուլով՝ հաշվի առնելով կենսաթոշակառուների խոցելիությունը կորոնավիրուսային համաճարակին և մասնավորապես միայնակ ծերերի մասին հոգ տանելու կարևորությունը, 8 ծերատներ և ծերերի ցերեկային սպասարկման կենտրոններ կստանան պաշտպանիչ դիմակներ, բժշկական սարքավորումներ և Kaercher հատուկ մաքրման և մանրեազերծման սարքեր։ Ծրագրի երկրորդ փուլը իրագործվում է ընկերության խորհրդի անդամ պարոն Յոհաննես Կերխերի համաֆինանսավորմամբ իսկ ծերատներին օգնության մատակարարումը կիրականացվի նախաձեռնության գործընկեր՝ Կարիտաս Արմենիայի կողմից։

Շնորհակալություն ենք հայտնում բժիշկներին և բուժ անձնակազմին իրենց անձնվեր աշխատանքի համար և հուսով ենք, որ շուտով միահամուռ ուժերով կհաղթահարենք համաճարակը։

Առո՛ղջ եղեք,

«Ցե-Կվադրատ Ամպեգա Ասեթ Մենեջմենթ Արմենիա» ՍՊԸ

Մեր Նախագծերը

Ցե-Կվադրատ Ամպեգա Ասեթ Մենեջմենթ Արմենիա ընկերությունը 100 մլն. ՀՀ դրամ հումանիտար օգնություն կտրամադրի Արցախից տեղահանված ընտանիքներին

Ցե-Կվադրատ Ամպեգա Ասեթ Մենեջմենթ Արմենիա ընկերությունը մարդասիրական օգնություն կցուցաբերի Արցախից տեղահանված ընտանիքներին՝ նպատակ ունենալով աջակցել հումանիտար աղետի արդյունքում տուժած երեխաներին և ընտանիքներին, որոնք կանգնած են իրենց կյանքը վերակառուցելու խնդրի առաջ։

Ցե-Կվադրատ Ամպեգա Ասեթ Մենեջմենթ Արմենիայի Խորհրդի փոխնախագահ Անդրեաս Վիմմերը վերահաստատել է Ընկերության և բաժնետերերի շարունակական աջակցությունը Հայաստանի Հանրապետությանը և Հայ ժողովրդին, որոնք կորցրել են իրենց սիրելիներին, իրենց տները և հայրենիքը։

Ընկերությունը իր կորպորատիվ սոցիալական պատասխանատվության ծրագրերի շրջանակում նախատեսում է շարունակաբար աջակել խոցելի խմբերին:

Նկարի հեղինակ՝ Դավիթ Ղահրամանյան

Սյունիքի մարզի սահմանամերձ համայնքների 14 Արմաթ լաբորատորիաների վերազինման ֆինանսավորում

10-ից ավելի Արմաթի վերազինում 1 նորը հիմնադրելու փոխարեն։

Մայիսի 30-ին Ցե-Կվադրատ Ամպեգա Ասեթ Մենեջմենթ Արմենիա ընկերության նվիրատվությամբ և Առաջատար Տեխնոլոգիաների Ձեռնարկությունների Միության (ԱՏՁՄ) հետ համագործակցությամբ ստորագրվեց հուշագիր, որով կվերազինվեն Սյունիքի մարզի սահմանամերձ համայնքների 14 Արմաթ լաբորատորիա:

«Ընտրեցինք Սյունիքը, քանի որ կարծում ենք, որ այս ժամանակահատվածում Սյունիքի մարզում զարգացման նախագծերի իրականացումը խիստ կարևոր է», - նշել է Ցե-Կվադրատ Ամպեգայի գլխավոր գործադիր տնօրեն Արման Վարդանյանը:

Ցե-Կվադրատ Ամպեգա ընկերությունն իր հիմնական՝ ակտիվների կառավարման և պարտադիր կենսաթոշակային ֆոնդերի կառավարման, գործառույթի շրջանակում նպաստում է Հայաստանի տնտեսական զարգացմանը. ուստի, մեր սոցիալական պատասխանատվության շրջանակում էլ ընտրել ենք սոցիալ զարգացմանը ուղղակիորեն նպաստող ոլորտներ, որոնց թվին են դասվում որակյալ կրթությունը և երեխաների և երիտասարդների համար հավելյալ կրթական հնարավորությունների ստեղծումը։ Այս նախագծով հույս ունենք նպաստել տեխնոլոգիապես առաջադեմ հասարակության զարգացմանը Հայաստանում։

Ուրախ ենք համագործակցել ԱՏՁՄ հետ և մեր առանձնակի դերն ունենալ երկրում տեխնոլոգիական էկոհամակարգի երկարաժամկետ զարգացման մեջ։

Ցե-Կվադրատ Ամպեգա Ասեթ Մենեջմենթ Արմենիա ընկերությունը նվիրաբերում է 40.000 եվրո նոյեմբերյանում ցերեկային խնամքի կենտրոնի կառուցման համար

Ցե-Կվադրատ Ամպեգա Ասեթ Մենեջմենթ Արմենիա Ընկերությունը, որը Հայաստանի Հանրապետությունում ղեկավարում է ավելի քան 100 միլիարդ դրամ կենսաթոշակային միջոցներ, այսօր հայտարարեց, որ իր կորպորատիվ սոցիալական պատասխանատվության շրջանակներում 40.000 եվրո է նվիրաբերում Հայ Առաքելական եկեղեցու Տավուշի թեմին` Տավուշի մարզի Նոյեմբերյան քաղաքում ցերեկային խնամքի կենտրոնի կառուցման համար:

Ծրագրի նպատակն է նպաստել Տավուշի մարզի և Նոյեմբերյան քաղաքի հարակից գյուղերում բնակվող երեխաների և նրանց ընտանիքների կրթական, ճանաչողական և հոգևոր բարեկեցությանը:

Ներկայիս ցերեկային կենտրոնը, որը գործում է 110 երեխաների համար, ունի վատ պայմաններ: Հետևաբար, հիմնարար անհրաժեշտություն է կենտրոնը վերակառուցելու մի հաստատության, որը կշարունակի գործել ամբողջ հզորությամբ և իր ազդեցությունն էլ ավելի կտարածի` ծառայելով Նոյեմբերյանի և հարակից գյուղերի ավելի շատ ընտանիքներին:

Նոր ցերեկային խնամքի կենտրոնը տեղակայված է լինելու երկու հարկերում, որոնք միասին կկազմեն 615 քմ տարածք: Ծրագրի շնորհիվ Նոյեմբերյան քաղաքում ավելի քան 200 սոցիալապես խոցելի երեխաներ և նրանց ընտանիքները հնարավորություն կունենան ստանալու կրթություն, պատշաճ խնամք և սոցիալական ծառայություններ՝ նրանց կրթական և ճանաչողական զարգացումը խթանելու, ինչպես նաև նրանց կյանքի որակը բարելավելու համար:

«Այս նախագիծը հնարավորություն է ընձեռնում Տավուշի մարզում բնակվող երեխաներին ունենալ ավելի պայծառ ապագա: Կենտրոնի հայեցակարգը տարիների ընթացքում ապացուցել է, որ արդյունավետ է, և մենք ուրախ ենք, որ հնարավորություն ունենք աջակցել կենտրոնի հետագա զարգացմանը: Այս ցերեկային կենտրոնը կդառնա լքվածության վտանգի տակ գտնվող երեխաների համար այլընտրանքային խնամքի օրինակելի տեղ, իսկ ծնողներին հնարավորություն կտա իրենց երեխաներին մեծացնել ներառական և սիրող միջավայրում»,- նշել է Ցե-Կվադրատ Ամպեգա Ասեթ Մենեջմենթ Արմենիա ընկերության Գլխավոր գործադիր տնօրեն Արման Վարդանյանը:

Ավելին